《状王之王》进入结局篇
喺最后一个古仔
两对CP嘅感情戏会有大进展
莫名其妙喺埋一齐
又一直相互扶持嘅
王浩信同姚子羚“夫妇”
面临休妻危机
由王晶嘅囡王子涵
同金刚搭档嘅小情侣
两人感情突飞猛进
喺最新一集中
两人已经到打茄轮嘅程度
两人来咗一个超长咀
嘴对嘴锡足30秒
有感情但又唔多
睇完都觉得好离谱
虽然加咗感情戏
王浩信仲搬老婆做救兵
猛咁“谷”话题
但仍然难救低迷收视
好多网友睇完剧后
都话后期配音好出戏
无法还原到原本嘅情绪
对于配音赶客嘅问题
王浩信就表示好可惜
其实配音时有重新去演一次
但无奈出唔到效果
//////
作为喜剧《状王之王》
无论情节or表演
都非常嘅夸张
其中仲有啲无厘头嘅笑料
带畀观众唔少欢乐
比如“至尊计状元才”嗰个
讲述官商勾结嘅古仔
就有张振朗客串+
王浩信自黑嘅情节
剧中王浩信饰演嘅宋世杰
扮成叫张振朗嘅专员
“诈骗”叫王浩信嘅大奸商
剧中佢自己闹自己
话王浩信“无恶不作”
台词恶毒到好任性
都可谓係为戏献名了
剧中好多无厘头嘅台词
都好搞笑嘅~
比如斗嘴时
会无缝衔接粤语歌
//////
而呢部剧最大嘅笑点
要数男女互换嘅造型
比如姚子羚同王浩信
两人饮错补药
直接调转咗性别
特别係打拳嗰part
王浩信嘅“两性”表现对比强烈
大家都冇谂到
佢都可以演绎得咁阴柔
男扮女装笑点多
表现最风情万种嘅
就係金刚饰演嘅阿九
金刚以前做主持人时
就有多次男扮女装嘅经验
比如TVB台庆时
佢就同黎耀祥一齐
cos陈豪同钟嘉欣
竟然都学得有模有样
呢次用古装全副武装
金刚换上女装扮九妹
同宋世杰潜入倚春阁调查
因为身材丰满、声线又甜
俾剧中嘅王老板睇上
上演咗一出“出水芙蓉”嘅戏码
//////
金刚作为喜剧常客
自称係专业救火员
一到需要就会出现
佢俾观众最深印象嘅
应该係歪到出轨嘅粤语
王晶导演嘅囡王子涵
演技都几有睇头
今次同金刚演“欢喜冤家”
传闻在戏外
金刚竟然话王子涵唔够靓女
不过转头又大赞子涵性格好
直来直往好相处
更表示对方搭档几舒服
讲开又讲
金刚嘅前度们
个个都係女神级靓女
可惜全部以分手收场
现年43岁嘅金刚透露
佢会以结婚为前提去拍拖
但经历咗咁多段感情
自己依家对感情态度係
一切随缘
佢自爆自己已经识紧女仔
如果有好消息会同大家讲
希望早日可以听到佢官宣啦~
来源:可乐生活Color微信公众号
编辑:张子殷
审核:曾敏妍
签发:骆苹