港剧嘅快节奏

加上超前点播功能

《新闻女王》已经带住大家

一下chur到大结局

从播出嘅片段睇到

黄宗泽好似走错片场咁

明明拍紧《法证先锋6》嘅

又突然出现喺《新闻女王》

原来剧情安排

飞爷退位、方太揾人补位

由Bosco扮演嘅古肇华

就来到SNK总部

同man姐迎头相见

充满火药味

早前，阿佘采访时就话

“好期待有第二部”

呢个结局一出

网友纷纷猜测

如果真系拍续集

应该有机会睇到

Bosco同阿佘飚戏

大家对二人嘅合作超级期待

虽然阿佘同Bosco係老友

同佢嘅兄弟林峯係老搭档

但阿佘和Bosco嘅上次拍档演戏

已经係2006年时

当时二人喺《覆雨翻云》中

分别饰演韩柏和秦梦瑶

并冇太多对手戏

呢次如果久违合作飙戏

相信续集嘅收视更加唔使忧啦

//////

对于网友嘅猜测

Bosco就话

“佢对厨房更感兴趣”

畀网友怀疑係来宣传

“波记厨房”

原来Bosco喺剧中

早就以“波记私房菜”身份出现过

当时高Ling演嘅Cathy

揾咗成日都搵唔到

最后靠飞爷来送料

但王敏奕扮演嘅刘艳

已经晒出“波记厨房”嘅靓汤

仲有煲汤暖男“送外卖”

赢咗一大截

有咁嘅福利係因为早前黄宗泽

喺《法证先锋6》剧组派汤

家嫂咁啱亦在场拍戏

所以可以收到“波记厨房”嘅靓汤

早前二人多次搭档

俾赞係“超甜荧幕情侣”

呢次两人嘅甜蜜互动

又引观众、网友围观

喺《飞虎之潜行激战》中

家嫂作为飞虎队女队员

同Bosco嘅感情线甜到漏

特别係家嫂换装嗰段

相信大家都印象深刻

而喺《法证先锋5》中

余sir和宝英嘅甜蜜爱情

仲係好多人嘅追剧动力

虽然剧中两人冇亲密戏

又直到结局先喺埋一齐

不过网友就觉得佢哋好衬

所以《法证先锋6》

大家都希望佢哋再续前缘

但据闻

家嫂呢次只係特别出演

可能就冇上一部咁多戏份

唔通最后会BE收场？

//////

《法证先锋6》中

同Bosco不是情侣

胜似情侣嘅老搭档蔡洁

就同样收到“波记厨房”嘅

warm心靓汤

但佢本人心情好似唔多靓

早前大呻角色难演

佢会延续《法证5》嘅角色

饰演法医范佩清

因为在《法证5》中

佢同关楚耀嘅感情线

观众都好受落

今次关楚耀将以新角色

同蔡洁“再续前缘”

据说呢个新角色

恐怖程度又升呢咗

蔡洁每日对住佢

情绪好似过山车咁大起伏

心理阴暗面积都增加咗

而且呢次再演法医

又伤神又伤身（受伤）

拍摄喺街边帮人做急救时

跪到膝盖淤嗮

睇得出蔡洁都几用力

据说《法证先锋6》

明年将会与大家见面

早前放出预告片段

黄宗泽化上小丑妆、疑似黑化

仲没开播就留下咁多悬念

期待一部刺激max、

恐怖max嘅《法证先锋6》

来源：可乐生活Color微信公众号

编辑：张子殷

审核：曾敏妍

签发：骆苹