TVB最近发力、开好多剧啵

前两日又一部新嘢开镜

《奔跑吧！勇敢的女人们》

斋睇个名就好积极向上咁

据闻呢部剧主题

就係讲“出轨”嘅

但会用一个轻松幽默嘅手法

应该就唔至于好sad好沉重嘅

再睇睇个演员阵容

都係一啲大家好熟悉嘅身影

更有唔少係大家好中意嘅演员添

▓▓▓▓▓▓▓▓▓▓▓░░░░努力加载中……

首先係全世界都公认嘅

“好好先生”萧正楠啦

啱啱先结束自己嘅内地巡演

即刻就开新剧够晒敬业

喺巡演期间

站站都带住翠如上台晒恩爱

又係正面宣告自己

係“爱妻号”嘅表现

以前萧正楠出演嘅角色

多数都係“好男人”

可以话佢已经係圈中

good man嘅代表啦

而今次新剧

佢就话自己要颠覆以往

变身渣男玩出轨

见佢连个造型都风骚到咩咁

deep V真空大红色

仲不时弯腰故意夹胸晒奶

可以想象佢到时喺剧中

饰演play boy应该好识玩嘢

喺《新闻女王》中

以废柴&中奶茶毒出圈嘅

“奶味飞爷”邓智坚

喺新剧中好似又有大突破

成为坚有料嘅“第一公关”

邓智坚话

自己为咗演好呢个角色

佢除咗会戒奶之外

仲提前搵翻好多

娱乐圈以前嘅公关案例出来借鉴

睇嚟佢好有心除废气

更有意upgrade自己

俾一个突破性感觉大家啦

而喺女角色方面

已经为人妈咪嘅赖慰玲

就话自己会穿学生装

同萧正楠嘅角色

有“不正当”love line

赖慰玲仲自曝

自己廿几年前

就同萧正楠合作过

依家再穿学生装

好似呃神骗鬼咁

吴若希早前在《香港人在北京》中

天真烂漫嘅样都几得观众心

剧中被蔡洁“插足”感情嘅戏份

显得佢是个“很傻的蠢女人”

嚟到今次嘅新剧

佢同萧正楠就饰演夫妻

赖慰玲做咗佢哋嘅“第三者”啦

萧正楠见到吴若希

谂翻起以前合作

就话觉得佢似傻妹

但能坚持到今日都仲喺公司

证明佢嘅精神冇问题

佢仲话吴若希嘅演技

係专业演员做不出嘅

但观众就係中意咁样哦

再次喺剧中被渣

吴若希係会继续很傻很天真

定係愤起反击做大做强

就要等部剧正式出街先知啦

//////////

睇到咁嘅阵容

&角色人设安排

唔知你对呢部剧

感唔感兴趣咧

来源：可乐生活Color微信公众号

编辑：张子殷

审核：曾敏妍

签发：骆苹