过年啦~过年啦
大年初一
祝大家龙马精神
日日都咁威
♫♪ ♫♪ ♫♪ ♫♪ ♫♪
呐~过年最讲意头噶啦
圈中各位靓靓人妻
都有自己独特嘅新年仪式感哦
好似带货带到风生水起嘅陈自瑶咁
虽然最近老公王浩信忙住拍剧
但持家有道嘅佢识瓹窿瓹罅
搵到便、靓、正嘅年货
应节挥春、喜庆衣物
仲有正斗贺年美食
跟住YoYo教路
就实食冇黐牙啦
人哋逛花街就买花、拣年货
啱啱升呢人妻嘅陈炜就眼光独到
带朱晨丽一边拣花一边拣男仔
炜哥趁机问朱朱
早排被人传来传去嘅绯闻男友
朱朱就话“顺其自然”
呢句可圈可点嘅回答
似乎有所暗示啵~
圈中模范CP
黄翠如&萧正楠
今个春节有咩搞作呢
话说节前阿萧就忙住出trip
“丢低”翠如BB一个人
为咗扮靓屋企好过年
翠如就自己去买年桔啦
一个人“运桔”嘅翠如BB
满面笑容、春风得意咁
应该係精心布置好屋企嘅年味
等老公落班翻嚟有惊喜
笑容真係sweet到漏蜜啦
前排忙住开show嘅关心妍
过年都好重视仪式感噶
除咗摆花、贴挥春
仲会自己亲自下厨煮年夜饭
而囡囡心心会帮手封利是
包到最丰厚嗰封红包
仲会要求妈咪留俾佢添
小朋友嘅天真烂漫
真係好得人中意
节后关家姐会继续开show
早前广州站舞台encore咗两次
俾咗歌迷好大惊喜
下个舞台一定更精彩啦
过年咁开心
唔知你有冇特别嘅仪式感咧
大年初一
祝大家收多啲祝福
逗多啲利是啦啦啦
来源:可乐生活Color微信公众号
编辑:张子殷
审核:曾敏妍
签发:骆苹