即时娱乐新闻 娱乐圈 电视 「67歲 阿灿 廖伟雄 自爆去年左腳中風右腳痛風：攞命..….」
67歲「阿燦」廖偉雄早年於 TVB 劇集《網中人》飾演新移民「程燦」深入人心，直至1990年放棄演員身份，改為從商，移居 内地 開 燦神龍場 搞有機種植及有機肥雞，其種植嘅「亞燦米」獲得多項殊榮；近年仲喺馬拉發展有機榴槤種植。2024年，廖偉雄曾經重返TVB，於、》榮獲「扮嘢界榮譽博士」榮銜，當時佢更感動到淚灑人前。日前，廖偉雄於個人 YouTube 頻道《燦神龍場》自爆健康出現問題，左腳中風，右腳則痛風：「攞命呀，攞命呀，大佬，攞命呀。」
廖偉雄表示，去年11月底發現左邊下顎僵硬及麻痺，驚覺自己疑似中風先兆，食咗藥之後好返啲，但幾日後食嘢嗰陣又好唔舒服：「個人好攰同埋唔想講嘢，跟住開車返屋企，喺車度瞓，瞓瞓吓突然感覺好急屎，頭頂又唔舒服，一摸突然發現有粒嘢腫咗出嚟，口唇裡面又脹漲咗，成頭好似人哋練九陰真經咁，一嚿一嚿腫脹咁。」廖偉雄續指，12月嗰陣突然有一日覺得左腳無力，而且漸漸失去控制力：「係完全冇知覺，大鑊啦，唉呀，死啦，中風呀！」朋友問佢要唔要睇醫生，但廖偉雄自己食藥後就通啲氣血，隻腳行得返。不過，之後又發現左腳小腿肌肉縮水，右腳連續痛咗兩星期。
廖偉雄指自己曾於2023年進行體檢，透露當時無發現身體有任何問題：「中風係冇預警，佢話嚟就嚟㗎啦。」現時，廖偉雄試過多種治療方法，表示針灸有用，已好返6成。
（來源：Yahoo娛樂圈）
