江华专访｜2018年的《万千星辉颁奖典礼》上，镇台之宝汪明荃（阿姐）公开发声，表示：「山头文化少啲啲，一定可以发掘同挽留多啲人才。」既然江华觉得人事复杂，问他是否深深体会到山头文化很严重，他直言：「我觉得TVB最失败系呢样嘢！」 江华续说：「咁TVB嗰阵时渠嗰个运气好好呀嘛，你无论任何妖魔鬼怪都搞佢唔死㗎嘛，嗰时系有个势，相反你睇而家，唔需要讲渠乜嘢，你自己睇到㗎嘛，其实渠最失败系呢样嘢，我觉得TVB渠哋唔系好爱才，渠哋系玩权力。」讲到山头文化对他可曾构成什么伤害，他认为说不上伤害，毕竟那阵时有粮出，既然路是自己选的就不要怨，但亦不讳言以往曾因发挥机会不多而难过，他相信若果TVB没有这个文化，大家齐心点、团结点，或未必积弱如今时今日，「大家都系要弄权为乐慨，咁你一定唔会好，变咗你有你慨谂法，我有我慨谂法吖嘛，而唔系大家做好件事，亦都唔系因为想件事好而去做，只不过系我搞好我自己嗰瓣，咁我就搞死你，咁就死啦，咁点会好呢？」 相信很多观众都未必同意，江华说自己在TVB发挥机会少，他在TVB的十年间演出的剧集不算很多，但爆红的角色却很多，而且至今仍是经典。他却说当时其实没机会参与大制作，「嗱你自己谂吓，我喺TVB慨戏，其实我最爆红嗰套《九五至尊》系好低成本㗎咋，唔系咩大制作嚟㗎，系渠哋估唔到咋嘛，点解会咁样弹咗出嚟㗎？你话《西游记》嗰啲，大啲啰，但系《西游记》都唔系第一男主角啦，梗系马骝精啦第一男主角。咁你再讲《寻秦记》，都唔系你做主角啦，你劲，你个角色出咗嚟啫，但系都唔系你做主角㗎。 」要说做男一的，他说其实只得《九五至尊》，以及另一套以女性为主的《苗翠花》，但事过境迁，他始终相信一切是最好的安排。 江华否认自己败在不懂埋堆，因为有很多人一样不擅埋堆，却不乏机会，他自问不埋堆、不拍马屁，能有如此成绩，他已感到自豪，更问夫复可求。他又说：「我最记得嗰时有一年，《九五至尊》出咗嚟好受欢迎，去啲咩周刊颁奖礼嗰啲咁样，我同吴美珩一齐，渠坐喺我隔篱，渠就讲咗一句，佢话：『师父，你咁样都能够做到咁样，好嘢！』即系其实好多人都知我咩性格㗎啦，系咪呀？渠都讲咗句咁样慨说话，我都觉得，都够吖起码。」 江华的经典角色，随口都数得出五、六个，想睇他亲自回顾每个角色的难忘回忆，可以观看以上的访问片段，现在节录其中几个一部份，当然要从《西游记》讲起。四个主角中，「沙僧」麦包要黐须戴头套、「猪八戒」黎耀祥要化道具妆戴假肚、「孙悟空」张卫健更要黐到一身毛，看起来唐三藏似乎最舒服，但当年有传江华化妆的时间比张卫健黐毛还要久，他说是大家畀面，将小事化大，「譬如话又唔使黐毛、点解要化妆，我化妆系自己化啫，又唔使你化，你明唔明呀？点解会话化妆会自己化，就算服装各样嘢，我哋惯咗，首先喺我哋成长过程里面，我哋知道求人系好难，亚洲电视慨时候资源系冇无线咁好，我哋喺嗰边长大呢，我哋就学会任何嘢都自己去处理。 」对于被指姿整，他说以往常常都听到，「话我就系姿整啰，我化妆就系姿整啰，秋官（郑少秋）化妆就系，专业！」 《寻秦记》中的连晋、嫪毐同样深入民心，即使事隔多年，最近仍有网上贴文说，连晋像一个自带背景音乐的角色，每次一响起剧中某首音乐，就意味着连晋做了坏事，原来江华都有听闻此事，这就要归功于儿子陈耀淙，把高登、连登讨论区的资讯告诉他，「渠会话返畀我听，甚至乎渠哋有条题就系话『江华算唔算系影视界慨王者』咁样，好畀面喎渠哋，同埋渠哋系好多时都会去讨论我慨角色㗎，多谢你哋！ 」《寻秦记》电影版虽然暂时仍上映无期，但早已拍完，虽说难得邀请到原班人马，但不少观众都认为独欠江华相当可惜，他解释不拍的原因——冇必要，「都老咗啦，大家都唔同晒啦，如果你话要我喺套戏里面再出现一个连晋也好，嫪毐也好，死咗喇喎，仲再出现？」他认为一套剧集能成为观众口中的经典已非常足够，对其他演员而言，重拍或许有另一重意义，但对他来说就没有。 《九五至尊》中，雍正化身李大虾穿越到现代，江华入型入格，他感谢已故监制萧显辉给他非常大的创作空间，不像其他人般把他「揿住」，「如果你记得，我坐喺度成个皇帝咁，喺个时代里面坐喺度，一个人坐两个位咁滞，掗到乜咁，行得好夸张，摆晒步，龙行虎步咁，嗰阵时监制睇完片都觉得，哗，得唔得呀？好夸张喎！我话你信我吖！得㗎！咁佢就信我，咁就出咗嚟。 」而另一套与刘松仁合作的《无业楼民》，他亦喜感十足，在不排戏下频频爆肚。他在片中示范了其中一段戏，讲到眉飞色舞，难得的是摄影师又可以一直追着他们影，没有失焦，尽显功力和默契，江华大叹：「呢啲嘢而家拍唔到。」
