【On.cc】劉愷威迷倒女粉 坐足六粒鐘船見一面：真人帥一百倍
藝人劉愷威近年影視作品大幅減少，更傳出同內地女星李曉峰疑似分手，不過50歲嘅佢顏值及身材狀態都非常好，早前先喺江蘇淮安街頭被偶遇，被大讚少年感勁過小鮮肉。近日佢「復出」為內地話劇《雷雨》巡演，不時被粉絲捕獲，其狀態更係年輕得驚人，更有女粉絲為見偶像一面，坐足六小時船，可見劉愷威人氣相當厲害。
劉愷威早幾年參加真人騷已經被讚keep得好。
女粉追佢足足15年。
猛讚佢「比電視上帥一百倍」。
一位為劉愷威追星達15年嘅女粉絲，近日發文形容見到劉愷威嘅心情無比激動，並大讚劉愷威「比電視上帥一百倍」該粉絲透露，自己係由2009年劉愷威主演嘅電視劇《娘妻》開始鍾意佢，並稱讚佢係一位「非常棒的演員」。為見偶像一面，佢不惜漂洋過海，坐六個小時船，仲特別叫埋丈夫陪同，而丈夫亦對劉愷威讚不絕口，認為佢「非常帥而且說話聲音很好聽，從內到外透出文藝儒雅的氣質」。
連粉絲老公都讚不絕口。
成個小鮮肉咁。
睇幾多部電話就知佢人氣幾高。
靚樣有保證。
刘恺威
