【On.cc】古天樂戴太陽眼鏡有驚人原因 視網膜穿咗兩個窿
影帝古天樂近日出席活動時，都經常戴太陽眼鏡示人，鏡不離身，佢就透露驚人原因，佢原來受眼疾困擾：「隻眼係有啲問題，右眼視網膜穿咗兩個窿……所以依家飛蚊症得好緊要、好多黑線飛嚟飛去，戴住眼鏡將環境變黑就冇咁嚴重。」佢又續指已安排做手術：「手術前唔可以戴隱形眼鏡，術後頭一個禮拜要休養，又有段時間唔搭得飛機，都會影響到工作，所以依家仲安排緊時間。」嚇到粉絲都叫佢要好好抖吓，祝福佢順利完成手術。
古天樂戴墨鏡唔係為咗型。
原來係佢右眼視網膜穿咗兩個窿。
戴墨鏡係想飛蚊症冇咁嚴重。
好快就會做手術喇。
古天乐[超话]
