【On.cc】王敏奕第一次入馬場多見識 自嘲無橫財命兼數學白癡
藝人王敏奕今日（27日）出席沙田馬場活動，全程表現興奮，她透露：「今日係我第一次入馬場，好開心，可以工作同見識吓。（會唔會下注？）我係好容易緊張嘅人，就算唔下注，只係聽評員講述賽事，我已經好投入興奮。不過聽講新手下注會有好運，我會試吓。（會買幾多？）我唔知，聽老爺講唔使買好多。（叫老爺畀貼士你？）要好聰明嘅人先可以揣摩到。」
不過她自認無橫財命，又是數學白癡，惟有努力工作：「我連打麻雀都唔識，我可以再學，因為身邊好多人都識打，仲可以預防腦退化。」而數口差的她直言老公不會讓她管數：「佢同我都係不相伯仲，但我仲差過佢，差到嚇親佢，所以要努力工作。（你哋係咪好大花筒？）應花則花，開心好重要，我都追求物質，但又唔會太奢華。（好難儲錢？）我有儲錢。」
王敏奕今日扮靚靚，賀第一次入馬場。
佢就話自己同老公都唔係大花筒，應花則花。
佢又笑自己係數學白癡，連打麻雀都唔識。
王敏奕[超话]
