即时娱乐新闻 娱乐圈 乐坛 「跌膊造型現身 以學生身分受訪談藝術 網民讚眼前一亮..…」
有傳因合約問題而被 TVB 雪藏嘅 炎明熹 Gigi，近期甚少幕前工作，但係喺 香港电台 電視近期播出嘅節目《 港式速遞講你知 》，Gigi以理大時裝及紡織學院學生身份分享對藝術嘅睇法，並以跌膊裇衫襯絲絨帽造型出鏡，甚有時尚觸覺。網民都盛讚收埋一排嘅炎明熹眼前一亮，「靚咗好多」。
節目中炎明熹提到正在攻讀嘅課程中，會同同學創作一件作品，有趣嘅地方係由出錯嘅位置，延伸出另一件作品。Gigi又話，佢一直探索緊點樣令意念成形，而家創作服飾嘅時候會思考用咩材料將心目中嘅形狀製作出嚟。
節目入面有見到Gigi用衣車縫衫同埋佢繪畫嘅設計圖樣，相信喺呢段被雪藏嘅時間，Gigi有專心學業同埋創作。炎明熹於2023年透過「學校推薦直接錄取計劃」獲理工大學取錄，並入讀時裝（榮譽）文學士組合課程。
（來源：Yahoo娛樂圈）
