看到这个热搜 上海黄浦区对8岁以下禁售二次元，随便写一小段，脑补筱声咪和孙明：
筱：喔哟张家阿姨啊，长远伐见嘞！
孙：李家姆妈啊哈哈！交关日脚么碰着嘞！
筱：侬到撒地方起啊？
孙：呐，到百货商店得牙桑歪买个则叫索西……哦NOZO啦！
筱：哦就是动画片啊。
孙：否错哦，上枪交关多宁看哦个则NOZO啦！牙桑歪岗要买个则欧索西索西……哦其岗欧“手办”啦！
筱：哦叠额吾晓得哦，老价钿嘞！
孙：为了小宁嘛，么办法，赚来铜钿奥总被其啦用啦！
筱：喔哟有桩事体侬晓得伐？侬夜报看过伐？上海黄浦区对8岁以下禁售二次元！晓得伐？
孙：索西啦？二次元是索西啦？
筱：侬得牙桑买叠额手办，就是二次元，晓得伐？伊几岁啦？
孙：虚岁八岁嘞！
筱：虚岁弄伐嘞哦，要实足年龄哦，要看户口簿哦。
孙：要西夸嘞买则NOZO还要看户口簿啊？
筱：不过伊岗是黄浦区，侬现在登嘞阿里则区？
孙：吾么卢湾区。
筱：哦卢湾伐得嘎，伊是黄浦区要求。
孙：个么户口簿伐带嘞！
筱：哎伐对！侬叠额张家阿姨啊，哪能搞七捻三，卢湾区老早么得嘞！老早并到黄浦区嘞！
孙：要西夸嘞年纪大嘞投五投六嘞！个么还是要户口簿啊。
筱：侬索性户口迁到其他区再买！
孙：迁到阿里？
筱：青浦朱家角，要么临港滴水湖侬看哪能？
孙：要西夸嘞得牙桑歪买则NOZO咋会户口还要迁走啦？个么要么吾呶户口迁回到宁波老家算嘞，吃臭冬瓜黄泥螺红膏呛蟹便当嘞！
筱：哎哟臭冬瓜黄泥螺红膏呛蟹吾才欢喜哦，侬撒辰光得吾带眼来？
孙：喔哟岗起臭冬瓜黄泥螺红膏呛蟹吾层着嘞！廿年前头阿拉登嘞弄堂里向邻舍隔壁辰光呶喊吾带五斤红膏呛蟹，铜钿还么波吾过！老价钿嘞！
筱：啊要西夸嘞叠额老太婆哪能记性噶好……哦张家阿姨啊，侬NOZO还买伐？
孙：买则骨头脑西！呶红膏呛蟹铜钿先波吾！连本带利好买靠十则NOZO嘞……
