丁子朗力撑麦美恩为人对人唔会无礼貌 仲指好多场合都需要佢 | 香港01
丁子朗昨日（3日）出席TVB新剧集《侠医》的开镜拜神仪式，早前他的好友麦美恩于社交平台被疑似幕后人员爆料指为人寸嘴兼大声无礼貌，而帖文随即引起热议。
丁子朗接受《香港01》访问时表示：“当笑话睇完就算啦，因为Mayanne坦白讲以佢喺呢一行，真係算係前辈啦，咁如果佢真係讲到话人品咁差嘅话佢都开唔到自己嘅节目。”而《Mayanne小喇叭》亦请到不少的嘉宾，丁子朗指这些嘉宾都是疼麦美恩的人，所以留言自然会不攻自破。
丁子朗更力撑麦美恩不是一个没礼貌的人：“以我认识嘅佢，佢冇可能唔礼貌！”他更指有很多需要social的场合不能没有她：“因为佢係一个好识得同人拉近距离嘅人，咁亦都係好识得搞气氛嘅人，所以基本上佢冇礼貌，我就觉得冇乜可能！”他被问到发生这件事后有否关心一下麦美恩时，即笑指没有，但就有一起笑：“但係我哋都明白呢啲真係纯粹係讲笑，或者可能煲大咗吹大咗嘅一啲报道，所以都完全冇摆喺心入面。”
上月底有指TVB开会，当中有过百艺员出席，而且有艺员指自己有“被cut show”的问题，而与TVB签了经理人合约的丁子朗则表示暂时没有受影响：“我嗰份就已经係几年前定咗落嚟，咁所以就係冇变到嘅。”至于讲到续约问题，他就表示“迟几年先烦”：“有工开，有个好角色就做就得啦我觉得！”
