虎毒不︱卢镇业朱栢康争金像男配 谈善言两个老公二拣一：我撑XX | 香港01
香港家庭伦理剧情片《虎毒不》，由《沦落人》导演陈小娟执导，谈善言、「小野」卢镇业、冯素波、文颂娴及强尼主演。电影今日（12日）举行首映礼，导演携同一眾演员出席，為入围月底即将举行的「第43届香港电影金像奖」率先造势，并為凭作品提名「最佳女主角」的谈善言与「最佳男配角」的卢镇业集气加油！
《虎毒不》男女主角谈善言与卢镇业，於首映礼上接受传媒访问，二人在拍摄电影前已合作拍摄MV作品，為电影埋位便已一拍即合，谈善言表示：「我的呢套戏好要求生活感，所以同佢一埋位、交流对戏就已经好放心！」卢镇业亦大讚谈善言的毅力与投入：「佢出左名系意志强大嘅演员，嗰时佢隻脚岩岩好返冇几耐，就已经要增磅。我记得试造型一见到佢，心諗『哗！真系唔认得你！』同以前识落嘅阿谈好唔同，已经有说服力！试造型之后就影道具相，好似度蜜月咁，好似真系两公婆咁！」
谈善言与卢镇业提到在拍摄前，曾一同到余香凝家中体验照顾新生婴儿的过程，谈善言透露当中过程表示：「试左一晚、体验左一晚，究竟凑BB成晚嘅流程系点，成晚冇瞓嘅过程又系点，余香凝都有讲好多感受畀我听。」小野随即笑言早於体验时已入戏做猪队友老公：「我就试左半晚、成左个饭、同BB影左张相，阿谈开始凑个BB嘅时候，我就走喇！非常称职！」
至於生小朋友的念头，谈善言随即耍手拧头：「本身都唔敢嘅！但系拍完之后有见过啲好好嘅拍档，好似小娟（导演）同佢老公咁，会好似管理公司一样制定政策、方向，值得参考下㗎！多左一份想像空间，以前我就唔敢諗，依家可以諗下嘅！」至於目前有潜力组织家庭的拍档，阿谈则笑言：「跳得有啲远！未有呀，工作上太多野要处理喇！」
卢镇业凭《虎毒不》提名金像男配，入围者亦包括主演《破．地狱》的朱栢康，朱康与谈善言在《不日成婚》系列饰演夫妻，面对「两位老公」手背手心都是肉，阿谈笑言：「计时间㗎嘛，依家佢先系我戏入面嘅老公！今年我撑小野！」小野随即开玩笑：「你睇下淑贞全身都系肉，所以唔系拣我的两个！」
