喺大家嘅

期待中

寻晚终于收官啦

唔知大家觉得个ending

够唔够happy咧

最后一集嘅剧情

都几峰回路转、荡气回肠

先係一轮不知所措

再嚟一part感人肺腑

后面又惊心动魄

最last终成眷属

不得不说

“唐教授”身披“战衣”拆弹嘅过程

确实几令观众屏息紧张嘅

但望住佢个look

就觉得似曾相识

后来有网友谂起

呢个咪就係我哋童年“男神”

猪猪侠嘅红衣造型啰

穿上呢身冇鬼用嘅防护服

“唐教授”同猪猪侠一样

成咗救人英雄啦

睇完大结局

唔少观众嘅评价係

剧中演员演技在线

just个剧情“逆天蠢”

嘥咗“视后”“视帝”嘅好演技

首先被吐槽嘅係

令人无语嘅“30年”设定

塞喺水渠边嘅银包

历经30年风霜、

捱过旧年嘅“黑雨”

最终走唔甩、被阿sir揾到

消失30年嘅子弹

高楼大厦拆拆起起好几次

佢咁啱打咗入树干上

完整保留咗落嚟

阿sir挂住查啲“30年前”嘅旧案

依家啲新案就走晒“外包”模式

唐教授、Daniel、Ana

好似警队“编外”警员咁

帮警察破晒啲奇案

早排森sir入狱嘅戏码

真係令观众有啲不知所措（wei）

明明都睇到监控、有晒证人

硬係要坚持话佢有盗窃意图

被判入狱嘅森sir

喺狱中仲轰轰烈烈咁被求婚

两人隔住探视窗嘅场景

令观众措不及防咁感动咗

有网友调侃到

陈展鹏原来係纯“狱”boy

最后嘅囚服造型

竟然可以着到咁chok

网友去深挖陈展鹏以前嘅戏

揾出佢喺《隐形战队》《铁拳英雄》

《城寨英雄》《巨轮》

《读心神探》等热播剧中

都有相似嘅入狱戏份

话佢走纯“狱”风更冧女

除咗各位“帝”“后”级演员

展现嘅逆天演技之外

喺最后几集里面

戏份好重嘅“小白”

都被网友关注到

“小白”唔单止感化咗“教授”

仲带佢去咗推进剧情嘅制弹场地

最后陪教授度过最艰难嘅时间

係勇敢、善良、重生、救赎嘅化身

相比起唔识查案嘅警察

俾错恋爱信号嘅阿wing

“小白”应该先係“教授”嘅命中注定

仲有唔少网友惊喜发现

喺剧中闪现嘅茄哩啡

就算出场时间唔多

都俾足晒戏

好似首集就现身嘅

“精神病专家”孙耀威

“莫sir旧情人”梁小冰

仲有寻晚结局前出现嘅

“金牌大状”马国明

当然唔少得刘家豪&梅小青

呢pair最强CP嘅出场

早前刘监制就话

自己喺剧中留咗彩蛋

纪念自己荣休

大家搵足30集

先见到佢哋压轴登场

都算係个可爱嘅惊喜啦

据话自己要退休嘅监制透露

仲有计划开《逆天奇案3》

唔知大家仲会唔会继续追咧

靓SHOW开售

艾怡良巡演【厦门站】

艾怡良巡回演唱会

《不想忘记的名字》

深圳、广州站开卖即售空

冇抢到票嘅fans唔使担心

艾怡良又官宣咗新嘅城市

7月12号厦门站

都在热卖

快来“可乐生活”官方抖音号

买飞啦

来源：可乐生活Color微信公众号

编辑：张子殷

审核：曾敏妍

签发：骆苹