近日萧正楠突然

现身TVB主播枱

化身“东张楠神”

佢先係嚟个自我介绍

“好开心加入呢个大家庭”

跟住就突然现场申诉

《巾帼枭雄之悬崖》

剧组有人打交

当场就被隔篱嘅主持识穿

原来係用尽机会

宣传自己部台庆剧！

///////

讲起呢部剧

今次阿萧喺剧中

饰演“烧脑担当”

一人分饰三角

细胆又自卑嘅邓桂平

诡计多端嘅龙四海

同埋乐于助人嘅林茂财

三个性格截然唔同嘅角色

真係几考演技噶

为咗剧中一两场嘅脱衣戏

阿萧喺开拍前就落足马力

进行地狱式减肥

狂操自己半年

but阿萧半裸

做运动嘅一幕出现后

网友反响麻麻

直指0吸引力咯

只因明明做gym

应该出晒汗

满身油但头发特别干爽

面上嘅粉底仲要分埋层

直呼“冇咩美感，似ai换面”

见到网友直踩自己老公

翠如即刻po出几张

老公嘅型仔腹肌“感性”照

配文写到

“每天只跟剧本谈恋爱，

我看着他的努力，加油。”

字里行间力赞对方

用心又努力

好友纷纷赶嚟加油评论

洪永城话“劲到吓亲邻居”

陈自瑶赞“阿萧收收埋埋”

阿Bob搞笑咁话：

俾佢认真操个零礼拜，

就会同阿萧差唔多啦

////////

讲翻剧集

大家期待咁耐嘅

《巾帼枭雄》系列

终于都上线

阿萧呢次

除咗分饰多角

喺剧中同黎耀祥

都有唔少争锋相对嘅戏份

加埋台庆剧属性

阿萧攞“视帝”嘅呼声

都几高噶~

Well~

新剧都播出咗一轮

大家追剧追成点？

大家觉得

阿萧有冇机攞“视帝”咧？

资料来源：微博、小红书、剧照等网络信息综合整理

编辑：饶   禧

一审：曾敏妍

二审：董华海

三审：骆   苹