TVB台庆剧

《廉政行动2024》

已经在上周开播

作为TVB嘅惯例宣传片

呢次居然放上咗“台庆档”

短短5集拍咗半年咁耐

令大家对剧集都好好奇

上周

张曦雯、陈山聪等

参演演员大搞宣传

仲透露咗好多拍摄密事

样靓身材正嘅张曦雯Kelly

呢次就会一直“大住个肚”

饰演陀B Madam江见秋

戏份应该係最舒服嘅

佢饰演角色嘅主要工作

係喺办公室闹人

对住两位“港姐”

林凯恩、陈星妤疯狂输出

Kelly都话

呢个角色好劲抽

想话畀大家知

就算陀B都可以做女强人

Kelly本人今年都好架势

宣传新剧之余

《企业强人》收官

仲晒出光头造型庆祝

两部“台庆剧”上阵

Kelly对攞“视后”都好有信心

佢表示边部剧攞奖都OK

最好可以攞埋“双视后”

//////

Kelly喺剧集中

同罗子溢对手戏最多

佢仲自爆两人对戏时

俾人话笑太甜好似调情

所以后来演戏就收起啲笑容啦

唔知罗子溢觉得

Kelly演嘅冷面上司恶啲

定杨茜尧喺《黑色月光》中嘅

“眼神杀”恶啲呢？

早前喺剧集首映礼上

罗子溢表示过

杨茜尧犀利眼神

并冇用到自己身上

拍完戏收工后就会变返个

温柔贤惠嘅老婆俾佢

佢哋夫妻呢次都有份

参与拍摄“台庆剧”

罗子溢表示

想同老婆齐齐攞“视帝”“视后”

好识do嘅佢

仲突击《黑色月光》直播

喺镜头前放闪

帮老婆炒话题做宣传

//////

而Kelly喺剧中黑口黑面

要搵陈山聪去做和事佬

事关呢次山聪要饰演暖男上司

相比Kelly嘅戏份

陈山聪嘅挑战就大好多

又要做专业人士

一口气背嗮ICAC专业用词

又要做武力担当

天桥追犯追到争啲中暑

冒住“断子绝孙”嘅风险

拍翻越栏杆嘅追逐场面

呢次拍摄

陈山聪仲去咗赤柱监狱

睇到里面冷冰冰

就话只想同仔仔讲

一定要做个好人

呢出咁刺激嘅剧集

仲得到ICAC专业人士嘅称赞

话拍得同佢哋嘅工作日常一模一样

大家有冇一齐追剧啊？

资料来源：微博、剧照、小红书等网络平台信息综合

编辑：黄译萱

一审：曾敏妍

二审：董华海

三审：骆   苹